Kalat State ریاست قلات

ریاست قلات کی حدود کا نقشہ
 پاکستان  کے نقشے میں

                       ریاست قلات

 قیام 1540عیسوی

قلات کی ریاست کے اس وقت ہندو حکمران تھے جنہیں ہندو سیوائی حکمران کہا جاتا تھامیر قمبر نے ہندو سیوائی حکمران کو جنگ میں شکست دینے کے بعد اس علاقے کو اپنے قبضے میں لے لیا یوں قلات پر قمبرانی حکومت کا قیام عمل میں آیا قمبرانی حکومت زیادہ مدت تک قائم نہیں رہ سکی  قمبرانی خاندان کے آخری حکمران میر حسن کی لاولدی کی حالت میں فوت ہو جانے کے نتیجے میں قلات کی حکمرانی کا  سوال اٹھا کہ اب کس کو قلات کا حکمران بنایا جائے ؟  جس کے نتیجے میں قبائلی سرداروں نے آپس کے مشوروں کے تحت  میر احمد زئی خاندان کے سربراہ  میر احمد زئی کو قلات کا حکمران  چنا


ریاست قلات کا پہلا حکمران میر احمد خان احمد زئی

قبائیلی سرداروں نے جرگے کے فیصلے کے تحت 1666 میں میر احمد خان کو والی قلات مقرر کیا جس کے نتیجے میں قلات کی ریاست پر احمد زئی خاندان کے اقتدار کی ابتدا ہوئی ۔ قلات کی ریاست کے پہلے حکمران کے طور پرمیر احمد زئی بہت ہی کامیاب حکمران ثابت ہوئے اگر چے کہ اس وقت ریاست قلات کی حدود قلات اور سوراب کے علاقوں پر مشتمل تھی مستونگ پر مغلوں کا قبضہ تھا باغبانہ اور خضدار نیز درہ مولہ کے متصلہ علاقے پر جدگال قابض تھے اور شال کوٹ ( یا کوئٹہ) پر افغانوں کا قبضہ تھا سندھ پر کلہوڑہ خاندان حکمران تھا جب کہ یہ تمام علاقہ دہلی کے مغل حکمران اور نگ زیب کے ما تحت یا باجگزار تھے
س29سال کی حکمرانی کے بعد
  میر احمد خان کے انتقا ل کے بعد میر محراب خان کو قلات کا حکمران بنا دیا گیا

جیسا کے پہلے بیان کیا جا چکا ہے کہ پاکستان کا صوبہ بلوچستان قیام پاکستان سے قبل جو کہ مشرقی بلوچستان یا انڈین بلوچستان کہلاتا تھا دو حصوں پر مشتمل تھا اس کا ایک حصہ ریاستی بلوچستان کہلاتا تھا دوسرا حصہ برٹش بلوچستان کے نام سے جانا جاتا تھا 
ریاستی بلوچستان ، قلات ، خاران ، مکران اور لس بیلہ کی ریاستوں پر مشتمل تھا جن پر برطانوی ایجنٹ نگران تھا، ان میں سب سے بڑی ریاست قلات کی تھی 
 قلات پر  احمد زئی قبیلے نے لشکر کشی کرکے میرواڑیوں کے قبضے سے قلات چھین لیا ( اس علاقے کومشہور تاریخ دان مقدسی نے توران کا نام دیا ہے جو بعد میں قلات کے نام سے مشہور ہوا) اور یوں قلات پر بلوچوں کی حکمرانی قائم ہوگئی جو قیام پاکستان تک قائم رہی۔
قلات
 انتظامی اعتبار سے قلات کے مشہور حکمران میر نصیرخان  نوری نے  قلات کو دوحصوں ساراوان اور جھالاوان کے نام سے تقسیم کررکھاتھا یہ دراصل انتظامی اعتبار سے دو صوبے تھے جن کی سربراہی ان دونوں صوبوں کے بڑے قبیلوں کے سرداروں کے حوالے کردی گئی تھی جو بعد میں موروثی سربراہی مین تبدیل ہو گئی 

ریاست قلات کا جھنڈہ  انگریز حکومت کے دور میں

قلات کے حکمران میر نصیرخان  نوری نے بلوچ فوج اور سرداروں کے ہمراہ احمد شاہ ابدالی کے ہمراہ مرہٹوں کے خلاف مشہور پانی پت کی لڑائی میں حصہ لیا تھا اس لڑائی میں دیگر بلوچ قبائیل کے ساتھ بگٹی مری لغاری اور مزاری قبائل نے بھی حصہ لیا مرہٹوں کی شکست کے بعد مغلوب مرہٹوں کی بہت بڑی تعداد کو قیدی بنا کر بلوچستان میں لایا گیا تھا ان میں سے کچھ بگٹی قبیلے کے قیدی بنے جس کے نتیجے میں یہ مرہٹے ڈیرہ بگٹی کے علاقے میں آباد کیئے گئے جن کے اولاد آج بھی بگٹی قبیلے کا حصہ ہیں اور یہ ہندو بگٹی کہلاتے ہیں ۔٫


موجودہ ضلع قلات کی حدود
 بلوچستان کے نقشے میں

  ریاست قلات کی اس تقسیم کی بنیاد پر قلات کے علاقوں میں قبائل کو بھی تقسیم کیا گیا تھا  اسی بنیاد پر اپنی فوج کی بنیاد بھی رکھی تھی ان کے دربار 
میں اسی ترتیب سے جھالاوان اور ساراون کے سرداروں کے نشستیں مقرر کی گئیں تھیں قیام پاکستان سے قبل جب قلات کے آخری حکمران میر احمد یار خان ( سابق گورنر بلوچستان) نے جدیدیت کے تحت  کی ایوان بالا اور ایوان زیریں  تشکیل دی تو اس ترتیب سے  قبائل کے سرداروں کو  ایوان بالا اور ایوان کا   رکن بھی بنایا گیا تھا مگر اس تقسیم کی قیام پاکستان کے بعدکچھ بھی اہمیت نہ رہی بعض بلوچ محقیقین اس پارلیمنٹ کو نام نہاد کہتے ہیں کیونکہ اس پارلیمنٹ کے اجلاسوں کا ثبوت سوائے قیام پاکستان کے وقت پارلیمنٹ  کے نام پر کی جانے والےتقاریر کے سوا کسی بھی قسم کا کوئی دستاویزی ثبوت فراہم نہیں کیا جا سکا ہے ۔
 قیام پاکستان کے بعد ریاست لسبیلہ اور ریاست خاران بھی بلوچستان کا حصہ بن گئیں اگر چہ اب نہ تو قلات کی ریاست باقی رہ گئی ہے اورنہ ہی پرانا نظام باقی ہے مگر اس کے باؤجود اس کی روائت باقی ہے اسی لئے اب بھی چیف آف جھالاو ن اور چیف آف ساراوان کا خطاب کچھ سردار استعمال کرتے ہیں  جن کے بزرگ چیف آف جھالاوان یا چیف آف ساراوان تھے  ان کی قانون کوئی حیثیت نہیں ہوتی ہے مگر بلوچ روایات میں ان کا مقام ہے۔۔
 اس وقت چیف آف جھالاوا ن نواب ثناء اللہ زہری ہیں
اورچیف آف ساراوان نو اب اسلم رئیسانی موجودہ وزیر اعلیِ بلوچستان ہیں

ساراوان

 
ساراوان میں، مندرجہ زیل قبائل آباد ہیں

رئیسانی۔ میر رئیسانی کی اولاد بعد میں رئیسانی مشہور ہوئی
شہوانی۔ قدیم زمانے میں سراوان کی فوجی تنظیم اک کماندار اعلی ۔قبیلہ شہوانی کا سردار ہوا کرتا تھا مگر خان آف قلات سے ناچاکی کی بنا پر یہ منصب خان آف قلات نے قبیلہ رئیسانی کے سردار کے سپرد کر دیا  اس قبیلے کی انیس شاخیں ہیں
بنگلزئی
محمد شہی
لہڑی
سرپرہ
لانگو
کرد
دہوار قبیلہ۔۔۔۔ دہوار کو دہ وار بھی کہتے ہیں اس قبیلہ کا پیشہ کاشتکاری ہے  انگریز محقق ڈیمز انہیں ایرانی النسل بیان کرتا ہے مگر ہیوز بلر کہتا ہے کہ یہ تاجک نسل کے ہیں دہوار قبیلہ دو مقامات پر مقیم ہیں  قلات اور مستونگ اسی اعتبار سے ان کی تقسیم بھی کی جاتی ہے کہ قلات کے دہوار اور مستونگ کے دہوار 
خراسانی
جوہانی

 جھالاوان

جھالاوان مِن براہوی زبان بولنے والے مندرجہ زیل قبائل آباد ہین جن کے نام اس طرح سے ہیں 
زہری
مینگل، یہ اس وقت اندرونی خانہ جنگی کا شکار ہیں اس وقت مینگل دو حصوں میں تقسیم ہیں ایک جس کے سربراہ سردار عطائاللہ مینگل ہیں عملا ان کے بیٹے اختر مینگل(سابق وزیر اعلی بلوچستان) قیاد ت کرتے ہیں دوسرے وفاقی وزیر مملکت میر نصیر مینگل کی قیادت میں ہیں ان کے دو بیٹے میر عطاء الرحمان مینگل۔ اور میر شفیق الرحمان مینگل اس وقت مینگل سیاست میں اہم کردار ادا کررہے ہیں
محمد حسنی
بیزنجو۔
ساجدی
میروانی
کمبرانی
قلندرانی
گرگناڑی
سمالانی
رودینی
ریکی زئی
ساسولی
لغاڑی
نوٹ یہ مضمون ابھی مکمل نہیں ہوا ہے اس پر مزید تحقیقات جاری ہیں   

قلات کے حکمران .

  خان آف قلات

Tenure	Khan of Kalat ]
1666 - 1667	Ahmad I
1695 - 1696	Mir Mehrab
1697 - 1713	Samandar Khan
1713 - 1714	Ahmad II
1714- 1734	Mir Abdullah
1734- 1749	Mir Muhabbat
1749 - 1817	Mir Muhammad Nasir Khan I میر نصیر خان نوری عظیم ترین بلوچ سردار تھے جب دہلی میں حضرت شاہ ولی  اللہ نے مسلمانوں کو مرہٹوں سے بچانے کے لیئے عالم اسلام سے مدد کی اپیل کی تو احمد شاہ ابدالی کے ہمراہ میر نصیر خان نوری تمام بلوچ قبیلوں اور ان کے سرداروں کے ساتھ پانی پت کے میدان میں موجود تھے احمد شاہ ابدالی نے میر نصیر خان نوری کے ساتھ مل کر مرہٹوں کو تاریخی شکست دی جس کے نتیجے میں برصغیر کے مسلمان مرہٹوں کے ظلم و ستم سے محفوظ ہو گئےمیر نصیر خان نوری کے حالات زندگی کے مطالعے کے نیجے میںیہ بات سامنے اتی ہے کہ وہ عظیم ترین مسلمان رہنما تھے اگر ان کو ورثے میں کوئی بڑی ریاست یا سلطنت ملتی تو یقینا اس کو چار چاند لگا دیتے
1817 - 1831	Mir Mahmud Khan I
1831 - 13 November 1839	Mir Mehrab Khan II
1839 - 1840	Mir Shah Nawaz Khan
1840 - 1857	Mir Nasir Khan II
1857 - March 1863	Mir Khudadad Khan (1st time) during his period of rule, there were seven major and many minor rebellion took place.
March 1863 - May 1864	Sherdil Khan (usurped throne)
May 1864 - 15 August 1893	Mir Khudadad Khan (2nd time) میر خداد خان کو اگر چہ کے قلات کی روایات اور بلوچ اصولوں کے مطابق سرداروں کے جرگے کے تحت منتخب کیا گیا تھا مگران کے بعض اقدامات ایسے تھے جن کے نتیجے میں قلات کے سرداروں کے اندر میر خداد خان کے خلاف بغاوت پھوٹ پڑی اس میں سے ایک کی نوعیت کچھ اس طرح کی ہے خان قلات میر خداد خان نے مینگل سردار نورالدین کو قلات طلب کیا وہ اپنے قبیلے کے سرداروں اور معززین کے ہمراہ قلات پہنچا قلات پہنچنے پر زالحجہ کی نو تاریخ کویوم عرفہ کی صبح خان نے اپنے دروغہ کو حکم دیا کہ مینگل سردار اور اس کے تمام ساتھیوں کو قتل کردیا جائے اس حکم کی تعمیل ہو رہی تھی اور اس وقت میر خدادادخان دسترخوان پر ناشتہ کررہا تھا پیٹ پوجا کے ساتھ ساتھ اس کی فطری تشنگی کو بھی لقمہ اجل ہوتے ہوئے دشمنوں کی کراہنے کی صداوں سے تسکین حاصل ہورہی تھی اور قلعہ میری کی بالائی منزل سے اس کی آنکھیں بھی اس نظارے سے لطف اندوز ہورہی تھیں   اس وقت سندھ کا کمشنر سر ولیم میری ویدر تھا جس کے نام پر کراچی کا مشہور میری ویدر ٹاور قائم ہے میر خداداد خان کے اس طرح کے دیگر اقدامات کے نتیجے میں قلات کے بلوچ سرداروں کے اندر میر خداداد خان کے خلاف بغاوت پھیل گئی اس صورتحال کو کنٹرول کرنے کے لیئے اب ایک ہی صورت باقی رہ گئی تھی کے میر خداداد خان کو ہٹا کر ان کی جگہ کوئی دوسرا قلات کی ریاست کا حکمران مقرر کیا جائے  میر خداداد خان کو اس فیصلے کی اطلاع دی گئی اور ان کی جگہ ان کے بیٹے میر محمود خان کو قلات کا حکمران مقرر کیا گیا جب کے میر خداداد خان کو انگریز کمشنر نے اپنے فوجی دستے کے ہمراہ پشین بھیج دیا جہاں میر خداداد خان نے اپنی زندگی کے بقیہ سولا برس گزارے اس دوران ان کے ہمراہ ان چھوٹے بھائی میر اعظم خان بھی پشین ہی رہے میر اعظم خان کے ساتھ ان کے بیٹے میر احمد یارخان  قلات کے آخری حکمراں تھے رہے اوریہیں پر میر احمد یار خان نے تربیت حاصل کی
10 November 1893 - 3  November 1931	Mahmud Khan II
3 November  1931 - 10 September 1933	Mohammad Azam Jan Khan
10 September 1933 - 14	Ahmad Yar Khan میر احمد یار خان نے قیام پاکستان کے بعد ریاست قلات کو پاکستان کا حصہ بنا دیا زوالفقار علی بھٹو کے دور میں میر احمد یار خان بلوچستان کے گورنر بھی رہے  میر احمد یار خان خان آف قلات نے بلوچستان کی سب سے بڑی ریاست قلات کے سربراہ کی حیثیت سے28    مارچ1948کو کراچی میں پاکستان کے ساتھ الحاق کے معاہدے پر دستخط کردیئے قلات کے حکمران کی حیثیت سے پاکستان کے ساتھ الحاق کرنے والی یہ بلوچستان کے سب سے آخری ریاست تھی   یوں قیام پاکستان کا یہ عمل ایک طرح سے مکمل ہوا مگر تقریبا دس سال کے بعد پاکستان کی حوود میں گوادر کی بندرگاہ شامل ہوئی جس کی تفصیلات گوادر کے باب میں مل جائیں گی

نوٹ یہ مضمون ابھی مکمل نہیں ہوا ہے اس پر مزید تحقیقات جاری ہیں